Ǵalamdyq ekologııalyq qor Balqashty ońaltýǵa 2 mln dollar bóldi
ALMATY. QazAqparat - Ǵalamdyq ekologııalyq qor Balqashtyń ekologııalyq ahýalyn jaqsartýǵa 2 mln AQSh dollaryn bóldi. Bul týraly QazAqparat tilshisine «Ekologııa jáne turaqty damý ınstıtýty» JShS dırektory Quralaı Káribaeva aıtty.
Qazaqstanda Balqash problemasy eń ózekti másele bolǵandyqtan Ǵalamdyq qor QR Úkimetiniń ótinishimen Balqashtyń ekologııalyq ahýalyn jaqsartýǵa 2 mln AQSh dollary kóleminde qaıtarymsyz qarjy bóldi.
Bul aqsha atalǵan aımaqtyń jer resýrstaryn tıimdi paıdalanýdy basqarýǵa baǵyttalmaq.
«Balqash Araldyń taǵdyryn qaıtalamas úshin Almaty oblysyndaǵy Іleniń Balqashqa quıar saǵasynyń tuzdaný protsesin toqtatý, Balqash mańyndaǵy jaıylymdy tıimdi paıdalaný, ata-baba salty boıynsha maldy tórt maýsymda jaıý jumystaryn júıeleıtin bolamyz. Ońtústik Balqashtan Tıan-Shanǵa deıin, Shý-Іle Alataýyna deıin sozylǵan aımaqta baý-baqsha mádenıetin qalyptastyrý jumystary qolǵa alynady. Sonymen qatar Іle Alataýyndaǵy taýly aımaqtarda baý-baqsha ósirý arqyly jergilikti halyqtyń áleýmettik jaǵdaıyn qalpyna keltirý kózdelgen. Jobany atqarý jumysy QR AShM bekitilgen», - dedi Quralaı Káribaeva.
Ǵalamdyq qordyń jobasyna Qazaqstannan bólek Orta Azııanyń 6 eli kirip otyr. Bul elderdiń barlyǵyna 12 mln AQSh dollary qarastyrylǵan.
Ár memleket 2 mln dollar kóleminde qarjy ıgere alady.
«Balqash kóli Qytaıdan bastalatyn ózenniń sýyna táýeldi. Transshekaralyq eldermen Balqash ekologııasy boıynsha áli bir ýájge kelgen joqpyz. Qytaı taraby óz elderinde avtonomııalyq aımaq jasap alǵan. Іleniń sýy Balqashqa jetkilikti túrde jetip jatqan joq. Biz aqshany sebeppen kúreske salýymyz kerek. Aral katastrofasy álemniń ekojúıesine de yqpalyn tıgizip jatyr. Araldan ushqan tuz Amerıkada, Antarktıdadan tabylyp jatyr», - dedi Quralaı Káribaeva.
