«Ǵalam» qazaqstandyq-frantsýzdyq kásiporynǵa jańa basshy taǵaıyndaldy

ASTANA. QazAqparat - Ǵalam» JShS bas dırektory bolyp Baýbek Oralmaǵambetov saılandy, dep habarlaıdy «Qazaqstan Ǵarysh Sapary» UK» AQ baspasóz qyzmetinen.

Qazaqstandyq-frantsýzdyq kásiporynnyń jańa basshysy laýazymyna taǵaıyndaý týraly sheshim «Ǵalam» JShS qatysýshylary jınalysynyń hattamasy negizinde qabyldanyp, Qadaǵalaý keńesiniń músheleri bekitti. 2015 jylǵy 2 jeltoqsannan bastap B.Oralmaǵambetovti taǵaıyndaý týraly buıryqqa «Qazaqstan Ǵarysh Sapary» UK» AQ prezıdentiniń mindetin atqarýshy, «Ǵalam» JShS Qadaǵalaý keńesiniń tóraǵasy Marat Nurǵojın qol qoıdy. Baýbek Oralmaǵambetov Máskeý avıatsııalyq ınstıtýtynyń túlegi. Hrýnıchev atyndaǵy reseılik ǵarysh ortalyǵynyń konstrýktorlyq bıýrosynda, Máskeý ókildik qazaqstandyq-reseılik «Báıterek» kásipornynda jumys istedi. QR IDM Aeroǵarysh komıtetinde jobalardy súıemeldeý basqarmasyn basqardy. QR UǴA ǵarysh ınfraqurylymyn damytý departamentiniń dırektory, dırektordyń orynbasary boldy. «Ǵalam» JShS 2009 jyly qurylǵan, onyń maqsaty Astanada salynyp jatqan ǵarysh apparattarynyń jınaý-synaý keshenin qurý jáne paıdalaný jobasyn iske asyrý.