«Gákkýletken, aqqý jetken Kókshetaý» 2-shi óńiraralyq festıvalinde dəstúrli ənder shyrqaldy
KÓKShETAÝ. QazAqparat-Kókshetaýda sýyryp salma aqyn, ánshi Úkili Ybyraıdyń shyǵarmashylyǵyna arnalǵan «Gákkýletken, aqqý jetken Kókshetaý» 2-shi óńiraralyq festıvali ótti, dep habarlaıdy QazAqparat tilshisi.
«Týǵan jer - týǵan el» bazalyq baǵdarlamasyn júzege asyrý jáne «EKSPO-2017» halyqaralyq mamandandyrylǵan kórmesi sheńberinde Úkili Ybyraı atyndaǵy Aqmola oblystyq fılarmonııasynda uıymdastyrylǵan mýzykalyq forýmǵa óńirdegi eń myqty degen dástúrli ánshileri qatysyp, ónerlerin ortaǵa saldy.
Eske sala keteıik, 2 kún boıy ótken festıvaldiń alǵashqy kúni dástúrli ánshiler Úkili Ybyraıdyń eli Aıyrtaý aýdanynyń mádenıet úıinde oryndaý sheberlikterin kórsetse, búgin aqynnyń shyǵarmashylyǵyna arnalǵan 2-shi óńiraralyq festıvaline jalǵasty.
Sharaǵa Aqmola oblysy mádenıet basqarmasynyń basshysy Sáýle Bóribaeva, Sh.Ýálıhanov atyndaǵy Kókshetaý memlekettik ýnıversıtetiniń fılologııa ǵylymdarynyń kandıdaty, professor Sábıt Jámbek, tarıhshy, pýblıtsıst, pedagog Alııa Ahetova, Aqmola oblystyq fılarmonııasynyń dástúrli ánshisi Sársenbaı Hasenov jáne Úkili Ybyraıdyń tikeleı úshinshi urpaǵy Berkimbek Zarapuly qatysyp, tushymdy oılarymen bólisti.
Shara jergilikti dástúrli ánshilerdiń qatysýymen gala-kontsertke ulasty.
