Gaıtılik balalar «qara donorlarǵa» satylýda
ASTANA. Qańtardyń 28-i. QazAqparat - Gaıtı Premer-Mınıstri Jan-Maks Bellerıv amerıkandyq CNN telearnasyna bergen suhbatynda, Gaıtıde balalardy zańsyz satý faktileri oryn alyp jatqanyn málim etti,
dep habarlaıdy RBK agenttigi.
«Otbasylarynan aıyrylǵan jáne týǵan-týyssyz qalǵan balalardy tirkeý - úlken problema bolyp otyr. Qyzyl Krest halyqaralyq komıtetiniń májilisinde biz osy máseleni talqyladyq», dep habarlady premer-mınıstr.
Onyń aıtýynsha, gaıtılik balalardyń «qara donorlyqqa» satylyp jatqandyǵy týraly jantúrshigerlik habar kelip túsken «Balalardyń organdary (aǵzalary) zilzala kezinde zardap shekken basqa balalar men eresekterge satylyp jatqan kórinedi. Qazir kez-kelgen aǵzaǵa suranys bar», deıdi úkimet basshysy.
Jan-Maks Bellerıv sondaı-aq, ata-anasyz qalǵan balalardy tirkeý úshin bıliktiń qolynan kelgenshe áreket etýge tyrysyp jatqanyn aıtyp ótti. Biraq, onyń aıtýynsha, bul ońaı is bolmaı tur. «Balalardy satý, elimiz úshin zilzaladan keıingi basty problema bolyp otyr», - dep túıindedi óz sózin premer.
