Gaıtıdiń soltústiginde nóser jaýyn saldarynan 13 adam qaza boldy

ASTANA. KAZINFORM – Gaıtıdiń soltústiginde jaýǵan nóser jaýyn keminde 13 adamnyń ómirin qıyp, myńdaǵan úıge zaqym keltirdi, dep habarlaıdy Reuters agenttigi.

Meteoqyzmet jumanyń keshine deıin eldiń barlyq óńirinde derlik naızaǵaıdan qaýip bar ekenin eskertti. Sondaı-aq sý tasqyny bolýy da yqtımal.

Kap-Aıten qalasynyń ońtústik-shyǵys óńirinde jaýyn saldarynan kóshkin júrip, birneshe úıdi qıratty, 12 adam mert boldy, dep málimdedi Gaıtıdiń tótenshe jaǵdaılar jónindegi agenttigi beısenbi kúni jarııalanǵan málimdemesinde.

2 myńnan astam úıdi sý basty.

Tótenshe jaǵdaılar jónindegi agenttik eldiń soltústiginde kóp mal qyrylyp, ortalyq óńirlerde de fermalardyń buzylǵanyn aıtty.