Gaıtıdiń soltústigindegi túrmeden 180-ge jýyq adam qashyp ketti
ASTANA. QazAqparat - Gaıtıdiń soltústiginde ornalasqan túrmeden qamaýda otyrǵan keminde 174 adam kúzet qyzmetkerlerin óltirip, qarýlaryn alyp ketken.
Bul týraly ria.ru saıtyna silteme jasap, QazAqparat habarlaıdy.
Agenttik málimetteri boıynsha, oqıǵa Gaıtıdiń soltústigindegi Arkahaı eldi mekeninde bolǵan.
Osy eldiń Ádilet mınıstri Kamılle kishi Edýardtyń habarlaýynsha, qamaýda otyrǵandardyń biri túrmeniń qabyrǵasyna shyǵyp ketip qulap, mert boldy. Qashqyndar túzeý kolonııasynan atys qarýyn alyp ketken.
«Oqıǵanyń saldarynan bir kúzetshi mert boldy», dep málimdedi mınıstr. Onyń sózinshe, eki kúzetshi dene jaraqatyn alǵan.
Bılik ókilderi sottalǵandardy BUU-nyń bitimgerlik kúshteriniń kómegimen izdeýge kiristi.
