Gaıtıdiń árbir onynshy turǵyny tyrysqaq indetine shaldyǵýy múmkin - DDU
ASTANA. 16 naýryz. QazAqparat - Gaıtıdiń basyna túsken tyrysqaq indetiniń saldary, paıymdalǵannan aýyrlaý bolýy yqtımal, dep sanaıdy Dúnıejúzilik densaýlyq saqtaý uıymynyń ókilderi.
"BUU 400 myńdaı adam indettiń qurbany bolýy múmkin dep paıymdaǵan bolatyn, biraq qazir bastapqy boljamnan eki ese kóp kórsetkish týraly sóz bolyp otyr", - dep habarlady VVS agenttigi.
AQSh sarapshylary osydan bir jyldan astam buryn zilzaladan zardap shekken, qazir tyrysqaqtan zardap shegip otyrǵan Gaıtıge halyqaralyq kómekti arttyrýǵa úndep otyr. Іndet elge 2010 jyldyń sońynda jaıylǵan bolatyn. Oǵan zilzaladan zardap shekken aýdandarda aýyz sýdyń jetispeýi sebep bolyp otyr. Dúnıejúzilik densaýlyq saqtaý uıymy indettiń ári qaraı taralýyna jol bermes úshin qoldan kelgenniń bárin jasap jatqanyn málim etýde.
2010 jyldyń qazan-jeltoqsan aılarynda elde 150 myń adam indetke shaldyǵyp, 3500 adam qaıtys bolǵan. Al aǵymdaǵy jyldyń naýryz aıyndaǵy sońǵy derekter boıynsha, qazir tyrysqaqty juqtyrǵandardyń sany 252 myńnan asady, 4672 adam qaıtys bolǵan. Jańa boljamdar boıynsha, aǵymdaǵy jyldyń qarasha aıyna deıin indetke shaldyqqandardyń sany 779 myńǵa jetýi, al qaıtys bolǵandardyń sany 11 myńnan asýy múmkin.
Gaıtıde barlyǵy 10 mıllıondaı halyq turady. «Іndettiń betin qaıtarý úshin, biz Gaıtıde jańa sý jáne káriz júıelerin salýymyz kerek. Biraq ol uzaqqa sozylatyn jumys, tyrysqaq indetimen áli birneshe jyl kúresýge týra keledi» - dep málimdeıdi DDU ókilderi
