Gaıtıdi qalpyna keltirýge 14 mıllıard dollarǵa jýyq qarjy kerek
ASTANA. Aqpannyń 18-i. QazAqparat - Gaıtıdegi zilzalanyń saldaryn joıýǵa jáne eldi qalpyna keltirýge shamamen 14 mıllıard dollardaı qarjy qajet.
Amerıkaaralyq Damý banki osyndaı málimetti jarııa etti, dep habarlaıdy «Maıak» radıostansysy.
Qarjy uıymynyń baǵalaýynsha, ol zilzala sońǵy 65 jyldaǵy eń zulmat tabıǵı apattardyń biri bolyp otyr. Aýqymdylyǵy jaǵynan mundaı úlken tabıǵı apat, Ekinshi dúnıejúzilik soǵys kezeńinen beri álemde áli bolmaǵan, delingen uıymnyń esebinen.
Esterińizge sala keteıik, Gaıtıde qańtardyń 12-sinde bolǵan zilzala saldarynan 200 myńnan astam adam qaza taýyp, mıllıondaǵan adam baspanasyz qalyp otyr.
