Gaıtıdegi jer silkiný kezinde 50 myńǵa jýyq adam opat boldy, 3 mıllıony jaralandy
ASTANA. Qańtardyń 17-si. QazAqparat -Aldyn ala resmı málimetterge qaraǵanda, Gaıtıdegi kúshti jer silkinisiniń saldarynan 50 myńǵa jýyq adam opat boldy, úsh mıllıonnan astam adam zardap shekti,
dep habarlaıdy «RIA «Novostı» AQSh halyqaralyq damý agenttigine (ıÝSAID) silteme jasap.
Budan buryn gaıtılik ókimet oryndary qaza bolǵandardyń sany 200 myń adamǵa jetýi múmkin ekendigin aıtqan bolatyn. Premer-Mınıstr Jan-Maks Bellerıv budan buryn qurban bolǵan 25 myń adamnyń denesi úıindi astynan shyǵarylyp, jerlengenin málim etti.
Senbi kúni keshte jarııalanǵan ıÝSAID esebinde zardap shekkenderdiń sany ján AQSh-tyń Gaıtıge kómek kórsetý jónindegi qolǵa alǵan sharalary týraly statıstıkalyq derekter keltirilgen. Qańtardyń 16-ynda AQSh Memlekettik hatshysy Hılları Klınton jáne ıÝSAID quramyna kiretin memlekettik departamenttiń basshysy jer silkinisinen zardap shekken elde bolyp, onyń basshylyǵyna AQSh múmkin bolǵan kómektiń bárin kórsetetinine sendirdi.
ıÝSAID-tyń baǵalaýynsha, búgingi tańda Gaıtıdegi basty problema turǵyndardy aýyzsýmen qamtamasyz etý bolyp otyr. Jer silkinisine deıin de kedeıshiliktegi eldi azyq-túlikpen qamtamasyz etý jolǵa qoıylǵan. BUU Azyq-túlik baǵdarlamasy eki mıllıon adamdy azyq-túlik taǵamdarymen qamtamasyz etý úshin 279 mıllıon dollar qarjy baǵyttaýǵa shaqyrýda.
Apat aımaǵynda 27 qutqarý komandasy jumys isteýde, qutqarý jumystaryna 1,5 myń adam jáne 115 úıretilgen ıtter qatystyrylýda.
