Gaıtıdegi sý tasqynynan 12 adam kóz jumdy
ASTANA. Qazannyń 19-y. QazAqparat - Tolassyz jaýǵan jańbyr saldarynan Gaıtıde bolǵan sý tasqyny kem degende 12 adamnyń ómirin alyp ketti, dep habarlaıdy eldiń azamattyq qorǵanysynyń basshysy Marı Alta Jan-Batıstke silteme jasaǵan Ýtro.rý agenttigi.
El astanasy Port-o-Prense qalasynda kem degende on adam kóz jumdy, bul jerde jeksenbi kúni qalany qorshaǵan taýlardan sý tasqyny júrip ótken. Al Port-o-Prenseniń batysynda jyl basyndaǵy jer silkinisinen zardap shekken adamdarǵa arnalǵan lagerdegi eki bala laı kóshkininiń qurbany boldy.
