Gaıtıdegi sý tasqynynan 10 adam qaza tapty
ASTANA. QazAqparat - 5 jáne 6 qarasha kúnderi Gaıtıde bolǵan sý tasqynynan 10 adam baqılyq boldy. Bul týraly eldiń ishki ister mınıstrliginiń qyzmetkeri habarlady, dep jazdy Reuters agenttigi.
Araldyń soltústigindegi Kap-Aıten qalasynda 7 adam kóz jumdy. Taǵy úsh adam Soltústik-Batys, Soltústik-Shyǵys jáne Grand-Ans departamentterinde mert boldy. Mınıstrlik ókiliniń habarlaýynsha, aral turǵyndary tolassyz jaýǵan jaýynnan túrli jaǵdaıda qaza tapqan.
Sonymen birge, onyń aıtýynsha, el aýmaǵynda shekten tys jaýyn-shashyn kútilýde. Gaıtı Halyqty qorǵaý departamentiniń habarlaýynsha, qazaq tapqandardyń úsheýi balalar, dep jazdy agenttik.
Qazan aıynda BUU Gaıtıdegi «Mettıý» daýylynan zardap shekkenderge kómek retinde 119 mıllıon dollar jınaý qajettigin málimdegen edi.
