Gaıtıdegi prezıdenttik saılaýdyń ekinshi kezeńi 17 qańtarda ótetin boldy
ASTANA. QazAqparat - Gaıtı prezıdenti Mıshel Marteıı eldegi prezıdenttik saılaýdyń ekinshi kezeńiniń merzimin bekitti: daýys berý 17 qańtarda ótedi.
Ekinshi kezeń ótken aptada bolýy tıis edi. Alaıda oppozıtsııa qazan aıynda ótken birinshi kezeńde zańbuzýshylyqtar oryn aldy dep málimdegennen soń keıinge shegerildi. Budan keıin elde tártipsizdikter oryn aldy.
Daýys berý nátıjesin tekserý úshin arnaıy komıssııa quryldy.
Gaıtıdiń táýelsizdik kúnine arnalǵan óz sózinde Marteıı el azamattaryn zańdy qurmettep, daýys berýge qatysýǵa shaqyrdy.
Saılaýdyń ekinshi kezeńine eki úmitker qatysady. Bul - banan eksporttaýshy Jovenel Mýaz ben prezıdenttik laýazym úshin ekinshi ret básekelesip otyrǵan qurylys kompanııasynyń basshysy Jıýd Selesten.
