Gaıtıdegi asharshylyq apatty deńgeıge jetti
PORT-O-PRENS. QazAqparat - Gaıtı turǵyndary sharasyz jaǵdaıda qaldy – eldi zorlyq-zombylyq sharpydy, azyq-túlik, janar-jaǵarmaı jetispeıdi, memlekettik qyzmetter jumys istemeıdi. Juma kúni BUU mekemeleri alǵash ret eldegi asharshylyqtyń apatty deńgeıge jetkenin eskertti, dep habarlaıdy QazAqparat BUU jańalyqtar qyzmetine silteme jasap.
Azyq-túlik jáne aýylsharýashylyq uıymy men Dúnıejúzilik azyq-túlik baǵdarlamasynyń sońǵy málimetterine sáıkes 4,7 mıllıon gaıtılik azyq-túlik tapshylyǵyn sezinýde.
El astanasy Port-o-Prenstiń birqatar aýdandarynda qarýly bandylar shabýyly údep tur. Adamdar kóshege shyǵýǵa qorqady, jumysqa nemese bazarǵa da bara almaıdy. Gaıtı ekonomıkasy tolyǵymen quldyrap, el ishinde haos ornady.
Inflıatsııa 33 paıyzdy qurap, janarmaı quny eki esege ósti.
«Dúnıejúzilik azyq-túlik baǵdarlamasy Gaıtı halqyn bul jaǵdaıda qaldyrmaıdy jáne eń osal jáne kedeı adamdarǵa kómektesýdi jalǵastyrady, - dedi Gaıtıdegi Dúnıejúzilik azyq-túlik baǵdarlamasy keńsesiniń basshysy Jan Martın Baýer. — Biz mektep oqýshylarynyń kún saıyn qunarly túski as ishýin, otbasylardy negizgi azyq-túlikpen qamtamasyz etý úshin jumys istep jatyrmyz».
Aýyr jaǵdaıǵa qaramastan, Dúnıejúzilik azyq-túlik baǵdarlamasy bıylǵy jyly 100 myń gaıtılikke kómek kórsetti jáne azyq-túlik qaýipsizdigin nyǵaıtýǵa kómektesýde.
Osy mańyzdy jumysty jalǵastyrý úshin Búkilálemdik azyq-túlik baǵdarlamasyna aldaǵy alty aıda 105 mıllıon dollar qajet.
Azyq-túlik jáne aýylsharýashylyq uıymy shaǵyn fermerlerge qoldaý kórsetýde, onyń ishinde 70 myńǵa jýyq adam osy kúzde aýylsharýashylyq óndirisine baılanysty aqshalaı jáne basqa da kómekter alady.
ıÝNISEF bes jasqa tolmaǵan 100 myńǵa jýyq balanyń ómirine qaýip tónip turǵanyn eskertedi. Olar durys tamaqtanbaýdan álsiregen jáne kez kelgen ınfektsııaǵa osal, jáne bul jaǵdaı tyrysqaq indeti kezinde óte qaýipti.
«Gaıtıdegi daǵdarys balalar daǵdarysyna aınalyp barady. Tyrysqaq juqtyrǵan árbir úshinshi adam - bes jasqa tolmaǵan bala», - dedi ıÝNISEF-tiń eldegi ókili Brýno Maes.
