Gaıtıdegi 7,2 baldyq jer silkinisi: Kóz jumǵandar sany ósti
NUR-SULTAN. QazAqparat - Gaıtıde 7,2 baldyq qýatty jer silkinisi saldarynan mert bolǵandar sany 304 adamǵa ósip, taǵy 2 myńǵa jýyq adam zardap shekti, dep habarlaıdy QazAqparat VVS silteme jasap.
Qutqarýshylar men jergilikti turǵyndar ǵımarattardyń qırandylarynyń arasynan tiri qalǵandar men qurbandardy izdeýdi jalǵastyrýda.
Eske salsaq, 14 tamyzda Gaıtıdiń batysynda magnıtýdasy - 7,2-ge teń qýatty jer silkinisi boldy. Amerıkalyq seısmologtardyń aıtýynsha, jerasty dúmpýi 10 km tereńdikte. Jer silkinisiniń oshaǵy eldiń astanasy Port-o-Prens qalasynan 125 km qashyqtyqta ornalasqan. Zilzala aýqymy men qaza tapqandardyń naqty sany ázirge belgisiz.
Gaıtıdegi bul zilzala 2010 jylǵy 250-300 myń adamnyń ómirin qıyp ketken joıqyn jer silkinisinen nebári 75 shaqyrym qashyqtyqta boldy.
