Gaıtıdegi bandıtızm azyq-túlik pen dári-dármek taratýǵa kedergi keltirýde – BUU
ASTANA. KAZINFORM – BUU-nyń gýmanıtarlyq qyzmetkerleri men olardyń Gaıtıdegi seriktesteri seısenbi kúni bandıtızm men jol tosqaýyldary kómektiń jetkizilýine jáne dári-dármektiń taralýyna kedergi keltirip jatqanyn aıtty. Bul týraly Sınhýa agenttigi jazdy.
Dúnıejúzilik azyq-túlik baǵdarlamasy naýryz aıyndaǵy basty jetistik týraly jarııalady: jergilikti seriktestermen birlesip, qonys aýdarǵan adamdarǵa rekordtyq 18 500 ystyq tamaq úlestirdi. Bul Dúnıejúzilik azyq-túlik baǵdarlamasy men onyń seriktesteri qaýipsizdik máselelerine baılanysty shamamen 18 000 adamǵa jetý qıynǵa soqqan 20-22 naýryz aralyǵyndaǵy jaǵdaıǵa múlde qarama-qaıshy.
BUU-nyń gýmanıtarlyq isterdi úılestirý keńsesi dári-dármek pen medıtsınalyq maqsattaǵy buıymdardy taratý, onyń ishinde tyrysqaqpen kúresý úshin qarajat bólý shuǵyl qajettilik ekenin aıtty.
Birikken Ulttar Uıymynyń Balalar qory (ıÝNISEF) osy aıda seriktestermen birge el astanasynyń 15 myńnan astam turǵynyna 1,7 mıllıon lıtr sý tarata alǵanyn habarlady.
ıÝNISEF-tiń atqarýshy dırektory Ketrın Rassel zorlyq-zombylyq pen turaqsyzdyq sansyz balalardyń ómirin qııýy múmkin ekenin, balanyń densaýlyǵy men tamaqtanýynda daǵdarys týǵyzyzatynyn eskertti.
