Gaıtıde zilzaladan keıin myńdaǵan adam úıindilerdiń astynda qalyp qoıýy múmkin
ASTANA. Qańtardyń 13-i. QazAqparat - Kóptegen ǵımarattar, keńseler, qonaqúıler men dúkender Gaıtı jaǵalaýynda bolǵan zilzalanyń saldarynan qırap qaldy.
Úıindilerdiń astynda júzdegen, tipti myńdaǵan adam qalyp qoıýy múmkin, dep habarlaıdy «RIA «Novostı» agenttigi.
«Qal (Port-o-Prens) qarańǵylyqqa orandy, myńdaǵan adam kóshede júr, olardyń barar jerleri joq. Men óz kózimmen segiz shaqty qıraǵan ǵımaratty kórdim, olar otelder men dúkender. Qurbandardyń sany júzden asady dep oılaımyn», dep málim etti aqparat quralyna suhbat bergen Foor for the Poor gýmanıtarlyq uıymynyń qyzmetkeri.
Gaıtı jaǵalaýynda seısenbi kúni eki kúshti jer silkinisi bolǵanyn QazAqparat budan buryn habarlaǵan bolatyn.
AQSh Prezıdenti Barak Obama Gaıtıde jer silkinisinen zardap shekkenderge kómek kórsetý týraly nusqaý berdi. Memlekettik departament, USAID uıymy jáne AQSh Qarýly kúshteriniń qolbasshylyǵy ońtústik aımaqta qajet kómekti baǵalaý jáne qutqarý jumystaryn úılestirý jumystaryna kirisip ketti.
Gaıtı Respýblıkasynyń AQSh-taǵy elshisi Raımond Djozef málim etkendeı, «bul jer silkinisi úlken apat ákelip otyr».
