Gaıtıde zilzala saldarynan qaza tapqan qytaılyq segiz bitimgershiniń denesi tıelgen arnaıy ushaq Beıjińge keldi
BEIJІŃ. Qańtardyń 19-y. QazAqparat /Rýslan Súleımenov/ -Gaıtıde zilzala saldarynan qaza tapqan qytaılyq segiz bitimgershiniń denesi tıelgen arnaıy ushaq Beıjińge ushyp keldi.
Qytaı Kommýnıstik partııasy Ortalyq komıteti Saıası bıýrosynyń Turaqty komıtetiniń múshesi, Ortalyq komıtettiń saıası-zańnamalyq komıssııasynyń hatshysy Chjoý ıÝnkan Beıjińdegi «Shoýdý» áýejaıyna arnaıy kelip, Gaıtıdegi zilzala saldarynan qaza tapqan qytaılyq polıtsııa ofıtserleriniń týǵan-týystaryna partııanyń jáne Qytaı Memlekettik keńesiniń, Ortalyq komıtettiń Bas hatshysy Hý Tszıntaonyń atynan kóńil aıtty.
Gaıtıdegi zilzaladan keıin iz-túzsiz joǵalǵandar sanatynda bolyp kelgen qytaılyq segiz polıtsııa ofıtseriniń máıiti dúısenbi kúni tabyldy. Olar - BUU-nyń Gaıtıdegi bitimgershilik mıssııasynyń qatarynda qyzmet etken ofıtserler men sarbazdar.
