Gaıtıde zilzala qurbandarynyń sany 70 myńnan asty
ASTANA. Qańtardyń 20-sy. QazAqparat - Gaıtı premer-mınıstri Jan-Maks Belrıv, búgingi tańda el ókimetiniń qańtardyń 13-inde bolǵan zilzala kezinde 72 myń adamnyń qaza bolǵanyn tirkegendigin málim etti.
Bul derekterge úıindilerdi arshyǵannan keıin de týǵan-týystary áli taba almaı otyrǵandar, sondaı-aq eldegi BUU mıssııasynyń qyzmetkerleri kirmegen. Keıbir sarapshylardyń pikirinshe, zilzala qurbandarynyń sany 100-150 myń adamǵa jetýi yqtımal, dep habarlaıdy CNN.
El ortalyǵy - Port-o-Prens qalasy jerasty dúmpýleriniń aýyr saldaryn bastan keshirýde. Úılerdiń kóbisi qıraǵan, aýrýhanalarda jaryq joq.
AQSh ókimeti apat saldaryn eńserý jáne qaýipsizdikti qamtamasyz etý maqsatynda Gaıtıge 10 myńǵa jýyq ásker jóneltýdi paıymdap otyr. BUU Qaýipsizdik Keńesi bolsa, halyqaralyq bitimgershilik kontıgenttiń qosymsha 3,5 myń jaýyngeri men polıtsııa qyzmetkerin osy elge attandyrý týraly sheshim qabyldady.
Qazirgi ýaqytta Port-o-Prenste jaǵdaı múshkil. Polıtseıler tártipti qamtamasyz ete almaı otyr. Qalada qaptap júrgen myńdaǵan tonaýshylar qıraǵan úıler men dúkenderden qoldaryna túsken zattardy alyp ketýde.
