Gaıtıde zilzala qurbandarynyń sany 170 myń adamǵa jetti
ASTANA. Qańtardyń 28-i. QazAqparat - Gaıtıde zilzala qurbandarynyń sany 170 myń adamǵa jetti. Bul málimetti el prezıdenti Rene Preval málim etti. Buǵan deıin 150 myń qurban týraly aıtylǵan bolatyn,
dep habarlaıdy RBK agenttigi.
Al sońǵy málimetter boıynsha, Port-o-Prenste qulaǵan úılerdiń biriniń astynan sársenbi kúni 17 jasar boıjetken aman-esen alyp shyǵaryldy. Bul týraly frantsýz jáne gaıtılik qutqarýshylar habarlaǵan. Boıjetken zilzaladan 15 kúnnen keıin qutqarylyp otyr. Port-o-Prenste jumys isteıtin qutqarýshylardyń biriniń aıtýynsha, álgi boıjetkenniń qutqarylýy - «naǵyz tańǵajaıyp nárse».
Qutqarylǵan qyz ábden azyp-tozǵanyna, aıaǵy zaqymdanǵanyna qaramastan, aman-esen. Dárigerler onyń jaǵdaıyna eshqandaı alańdaýshylyq joq ekenin aıtýda.
