Gaıtıde zilzala kezinde BUU-nyń 83 qyzmetkeri qaza tapty, taǵy 32 qyzmetker - iz-túzsiz joǵalǵandar sanatynda

Bul týraly sársenbi kúni jýrnalıstermen bolǵan áńgime kezinde uıym Bas hatshysy Pan Gı Mýn habarlady. «Osynaý shyǵynǵa qaramastan, Birikken Ulttar Uıymy aral turǵyndaryn qutqarýǵa jáne olarǵa der kezinde kómek kórsetýge bar kúsh-jigerlerin salýda», dep atap kórsetti Bas hatshy óz sózinde.

«BUU mıssııasy men onyń mekemeleri táýligine 24 saǵat, aptasyna 7 kún boıy tynym tappastan jumys istep jatyr. Gýmanıtarlyq kómekterdiń jetkizilimi jolǵa qoıyldy, ony alýshylardyń sany kún sanap artýda. Qazirgi tańda el astanasy men onyń tóńireginde bizdiń 150 medıtsınalyq qosynymyz men gospıtalimiz bar», deıdi Pan Gı Mýn.