Gaıtıde zilzala kezinde BUU-nyń 82 qyzmetkeri qaza tapty
ASTANA. Qańtardyń 26-sy. QazAqparat - Gaıtıde zilzala kezinde Birikken Ulttar Uıymynyń 82 qyzmetkeri qaza tapty, taǵy 53 qyzmetker - iz-túzsiz joǵalǵandar sanatynda.
Bul týraly BUU Bas hatshysynyń resmı ókili Martın Neskırke brıfıngte málim etti. «Joǵalyp ketkenderdi izdeý jumystary jalǵasýda», dep habarlady BUU ókili.
Gaıtı úkimetiniń málimetteri boıynsha, zilzala saldarynan 112 myńnan astam adam qaza bolyp, 194 myńnan astam adam jaralanǵan. 800 myńnan astam gaıtılik baspanasyz qalǵan.
BUU baspasóz qyzmetiniń habarlaýynsha, Gaıtıdegi zilzala saldarynan «3 mıllıondaı adam zardap shegip otyr». El astanasy -Port-o Prens qalasynyń ózinde ǵımarattar men úılerdiń jartysynan astamy jermen-jeksen bolǵan.
Gaıtı úkimetiniń esepteýleri boıynsha, ókimet bergen kólikterge minip, 235 myńdaı adam Port-o-Prens qalasyn tastap ketken jáne kórshi qalalarǵa baryp jaıǵasqan.
Dúnıejúzilik densaýlyq saqtaý uıymy, ázirge elde ınfektsııalyq indet oshaqtary tirkelmegenin habarlaýda. Halyq arasynda azyq-túlik, aýyz sý taratylýda. BUU-nyń Dúnıejúzilik azyq-túlik baǵdarlamasynan jáne basqa da uıymdardan azyq-túlik qorjyndaryn alǵan adamdardyń sany 500 myńǵa jetti. Biraq ta, azyq-túlikke muqtajdardyń sany 2 mıllıondaı adam dep baǵalanýda.
