Gaıtıde júk mashınasy kóshede 12 adamdy basyp ketti
ASTANA. QazAqparat - Kavaıon qalasyndaǵy (Gaıtı) júk mashınasynyń bir top adamdy qaǵýy saldarynan eń keminde 12 adam qaza tapty, dep habarlaıdy BELTA agenttigi kýágerlerge silteme jasap.
Kólik apatyna tasymal quraly júrgizýshisiniń kólikti basqara almaǵandyǵy sebep boldy. Kúndizgi ýaqytta bolǵan qaıǵyly oqıǵa qurbandary ásirese joldyń jıegindegi kóshe saýdagerleri men jaıaý júrginshiler boldy. Sonymen qatar, taǵy 15 adamnyń zardap shekkendigi habarlandy. Olardyń barlyǵy aýrýhanalarǵa jetkizilip, keıbiriniń jaǵdaıy aýyr dep baǵalanyp otyr.
