Gaıtıde jaǵdaı ýshyǵyp, BUU Bas hatshysy úndeý jasady

ASTANA. QazAqparat – BUU Bas hatshysy Antonıý Gýterrısh Gaıtıdegi jaǵdaıǵa alańdaýshylyq bildirdi. Ol BUU Qaýipsizdik Keńesin Gaıtı úkimetiniń eldegi gýmanıtarlyq daǵdarysty eńserý úshin mamandandyrylǵan halyqaralyq qarýly kúshterdi jedel ornalastyrý týraly ótinishin shuǵyl túrde qaraýǵa shaqyrdy, dep habarlaıdy QazAqparat BUU Jańalyqtar ortalyǵyna silteme jasap.

«BUU Bas hatshysy qaýipsizdik jaǵdaıynyń kúrt nasharlaýy kezinde tyrysqaq indeti oryn alǵan Gaıtıdegi jaǵdaıǵa qatty alańdaıdy», - delingen BUU basshysynyń atynan sóılegen onyń baspasóz hatshysynyń sózinde.

Onyń sózine qaraǵanda, Varradaǵy janarmaı termınalynyń buǵattalýyna baılanysty Gaıtıdiń kóptegen aýdandarynda aýrýdyń tez taralýyn boldyrmaý úshin mańyzdy qyzmetter toqtatylǵan.

«Aýyz sýdy jetkizý toqtatyldy. Gaıtı halqynyń eń osal toptary taǵy da qatty zardap shegedi. Adam ómirin qutqarý birinshi kezektegi mindet bolýy kerek», - dedi Antonıý Gýterrısh.

Foto: news.un.org