Gaıtıde úıindilerdiń astynan 70-ten astam tiri adam qazyp alyndy

dep habarlaıdy ITAR-TASS agenttigi BUU-nyń Gýmanıtarlyq máselelerdi úılestirý jónindegi ókili Elızabet Bırske silteme jasap.

Basqarma eldegi qutqarý operatsııalaryn úılestirip otyr, ol sharalarǵa quramyna 1739 adam men 161 ıisshil ıt kiretin qutqarýshylardyń 43 komandasy atsalysýda.

«Jetpis sany onsha kóp emes sııaqty kórinýi múmkin, biraq qutqarýshylar jumys istep jatqan jaǵdaıdy eskersek, bul rekordtyq kórsetkish», deıdi Elızabet Bırs, «kóshelerdiń barlyǵy jabyq ekenin, al qutqarýshylardyń ne jergilikti kómekte, ne aman qalǵan halyqtan kómek kóre almaı otyrǵanyn» alǵa tartyp.

Al Gaıtıde jumys istegen BUU qyzmetkerleriniń taǵdyryna toqtalǵan Bırs hanym, qazirgi tańda 40 qyzmetkerdiń qaza tapqany týraly málimet bar ekenin, taǵy 300ge jýyq BUU ókiliniń iz-túzsiz joǵalǵandar sanatynda ekenin málim etti.