Gaıtıde sýpermarket úıindileri maroderlerdi basyp qaldy
ASTANA. Aqpannyń 10-y. QazAqparat - Gaıtıdiń astanasy Port-o-Prenstegi jartylaı qıraǵan sýpermarket onyń ishinde júrgen maroderlerdi basyp qaldy,
dep habarlaıdy QazAqparat AFR saıtyna silteme jasap.
Qutqarýshylardyń aıtýynsha, úıindiler astynda 5-8 adam bolýy múmkin. Qazir olardy qıraǵan úıdiń astynan alyp shyǵý jumystary júrgizilýde. Ázirge belgili bolǵany - bir adam tiri qalǵan, onyń ózi úıindilerdiń astynda qalyp otyr. Qazirgi sátte qutqarýshylar sýpermarket qırandylarynyń astynan eki adamdy alyp shyqty.
Zilzalaǵa deıin 5 qabatty úıde Port-o-Prenstegi eń iri sýpermarketterdiń biri ornalasqan bolatyn. Apat saldarynan kóptegen adamdardy ajal qushtyryp, ǵımarattyń jartysy qırap qaldy.
