Gaıtıde sý tasqynynan keıin jer silkindi: qaza tapqandar bar
PORT-O-PRENS. QazAqparat – Gaıtıde Jeremı qalasynda jer silkinisinen úsh adam qaza tapty. Birneshe kún buryn sý tasqynynan 42 adam mert bolǵan edi, dep habarlaıdy QazAqparat BBC News-ke siltememen.
AQSh Geologııalyq qyzmetiniń málimetinshe, 4,9 baldyq jer silkinisi Gaıtıde tańerteń bolǵan. Ol tolassyz jaýǵan nóserden keıin tirkeldi. Saldarynan 13 myńnan astam adam baspanalaryn tastap ketýge májbúr boldy.
Gaıtı premer-mınıstri Arıel Anrıdiń málimdeýinshe, onyń úkimeti men halyqaralyq seriktester sý tasqynymen kúresý úshin «shuǵyl sharalar» qabyldaýda.
Dúnıejúzilik azyq-túlik baǵdarlamasy, Birikken Ulttar Uıymy agenttigi sý tasqynynan baspanasyz qalǵandarǵa ystyq tamaq bere bastaıtynyn málim etti.
Gaıtı bıligi qaza tapqandardyń úsheýi jer silkinisinen úıleri qıraǵan kezde, bastyrylyp qalǵanyn málimdedi. Sondaı-aq, ondaǵan adam zardap shekken.
Jeremı - Grand-Ans departamentiniń ońtústik-batysyndaǵy jaǵalaý mańyndaǵy qala. Bul óńir eki jyl buryn jer silkinisinen qatty zardap shegip, 2200 adam qaza tapqan edi. Qala eldiń basqa bóligine qaraǵanda oqshaýlaý, nóserden kólik qatynasy buzyldy.
