Gaıtıde oqqaǵar Parlament depýtatyn abaısyzda oqqa ushyrdy
ASTANA. 26 shilde. QazAqparat- Gaıtı Ulttyq assambleıasy tómengi palatasynyń depýtaty Dıonal Polıt jeke oqqaǵarynyń abaısyzda atylǵan oǵynan qaza tapty, dep habarlaıdy Newsru.com.
Agenttik habarlaǵandaı, polıtsııa tergeý júrgizýde, oq atqan oqqaǵar qamaýǵa alyndy. Qaıǵyly oqıǵaǵa kýá bolǵan jeti adamnan jaýap alynýda.
Óz kezeginde palata depýtattary atqarýshy bılikten Polıttiń ólimine tergeý júrgizetin jeke táýelsiz komıssııa qurdy.
Sonymen birge qaza tapqan depýtattyń birneshe saıası jaqtastary onyń ádeıi óltirilgenin málimdep úlgerdi.
