Gaıtıde «Metıý» daýylynan qaza tapqandardyń sany 800-den asty
ASTANA. QazAqparat - Sońǵy táýlikte Gaıtıde "Metıý" daýylynan qaza tapqandardyń sany eki ese ulǵaıyp, 800 adamnan asty. Bılik taratqan málimetterge qaraǵanda, qutqarýshylardyń shalǵaı jerlerge jetýi qıyn bolǵandyqtan, apattan qurban bolǵandardyń sany artýy múmkin.
Araldyq memlekettiń ońtústigi men ońtústik-batysyndaǵy eldi-mekenderdiń kóbine teńizben nemese ushaqtarmen ǵana jetýge bolady. Jer-jerde elektr energııasyn tasymaldaý jelisi buzylyp, telefon baılanysy úzildi.
"Tórt-bes kúnnen keıin ǵana qaza tapqandardyń sany men keltirilgen zalaldy bilýge bolady", - dedi Gaıtıdegi Búkilálemdik azyq-túlik uıymy baǵdarlamasynyń dırektory Karlos Velozo.
"Metıý" daýyly - Karıb teńizi basseınindegi sońǵy on jyldaǵy eń kúshti daýyl. Jeldiń jyldamdyǵy saǵatyna 230 km-ge deıin jetti.
