Gaıtıde «Metıý» daýyly qurbandarynyń qurmetine úsh táýlik aza tutý kúni jarııalandy
ASTANA. QazAqparat - Ótken aptada elde myńǵa jýyq adamnyń ómirin qıǵan «Metıý» daýyly qurbandarynyń qurmetine Gaıtı bıligi 3 táýlik aza tutý kúnin jarııalady, dep habarlaıdy Bı-bı-sı.
Qutqarýshylar elde tyrysqaq derti tarap jatqanyn rastady. Eldiń densaýlyq saqtaý mınıstrligi qaza tapqandardyń sany qazirgiden de kóp bolýy múmkin ekenin aıtyp otyr.
Gaıtı - álemdegi eń kedeı elderdiń biri. Al bul jolǵy daýyl sońǵy 10 jyl ishinde Karıb basseıninde bolǵan eń qýatty daýyl bolyp shyqty: Safır-Sımpson shkalasy boıynsha besinshi deńgeıge jetken. Jeldiń jyldamdyǵy 230 km/saǵatqa deıin barǵan.
Qazir daýyl AQSh-tyń ońtústik-batys shtattaryna jetti, biraq jyldamdyǵy báseńdep, 120 km/saǵatqa deıin tústi. Buǵan qaramastan juma kúni Barak Obama tabıǵattyń tosyn minezine daıyn bolýdy tapsyrdy.
Senbi kúni AQSh-ta atalǵan daýyl saldarynan 10 adam qaza tapqany málim boldy.
