Gaıtıde qaraqshylar polıtsııa men prezıdent saraıyna shabýyl jasady

ASTANA. KAZINFORM – Qarýly top eldegi saılaýǵa qarsy bolyp, Gaıtı premer-mınıstri Arıel Anrıdiń otstavkaǵa ketýin talap etti. Bul týraly DW jazdy. 

Gaıtıde qarýly bandıttik top úkimettik ǵımarattarǵa, polıtsııa bólimshelerine, Іshki ister mınıstrligi ǵımaratyna jáne el astanasy Port-o-Prenstegi prezıdent saraıyna shabýyl jasaǵan. Atalǵan qylmystyq áreket jóninde 9 naýryz kúni ABC jáne CNN telearnalary habar taratty. 

ABC-tiń quqyq qorǵaý organdaryndaǵy áńgimelesýshisiniń aıtýynsha, shabýyl aldyn ala josparlanǵan. Úkimettik ǵımarattar men polıtsııa beketterine bir ýaqytta shabýyl jasaldy. Sol ýaqytta qala turǵyndaryna atystyń dybysy estilgen.

ABC derekkóziniń málimetinshe, shabýyldaýshylar olar týraly jer-jerde aqparat jarııalanǵan kezde keri shegingen. Aldyn ala málimet boıynsha, 10-nan astam qaraqshy qaza tapqan. Polıtsııa qyzmetkerleriniń qazasy týraly málimet joq.

Gaıtıdegi úkimet pen ınfraqurylym nysandaryna bandıttik shabýyldar naýryz aıynyń basynda bastaldy. Eldiń eń kúshti toptary shabýyldar jasaý úshin birigip ketti. Gaıtı premer-mınıstriniń mindetin atqarýshy Arıel Anrı shabýyldar bastalǵan kezde elde bolmaǵan jáne qaýipsizdik úshin basqa jaqqa ketken.

Bandıttik top qaladaǵy eki túrmege de shabýyl jasap, tutqyndardyń kópshiligin bosatyp alǵan. Elde tótenshe jaǵdaı jáne komendanttyq saǵat engizildi.