Gaıtıde 600 myń bala gýmanıtarlyq kómekke muqtaj
ASTANA. QazAqparat - Gaıtıde bolǵan «Mettıý» daýylynyń saldarynan 600 myńnan astam bala shuǵyl gýmanıtarlyq kómekke muqtaj. ıÝNISEF ókilderi osylaı dep dabyl qaqty, dep jazady «Habar 24».
Halyqaralyq uıym málimetine saı, 50 myńǵa jýyq balǵyn baspanasyz qalyp, qazir adam tózgisiz jaǵdaıda ómir súrip jatyr. Elde sondaı-aq ashqursaq búldirshinder men jetkinshekter sany artqan. Tyrysqaq aýrýyna shaldyqqan balalar da az emes.
Esterińizde bolsa, 4 qazanda Gaıtıde «Mettıý» daýyly oıran salǵan edi. BUU-nyń málimdeýinshe, tabıǵı apattan 2 mln 1 júz myń turǵyn japa shekken. Búginde olar as-sýǵa jarymaı júr. Kúshti jel sýmen jabdyqtaý jáne káriz júıesine zaqym keltirdi. Saldarynan elde tyrysqaq indeti órshigen.
