Gaıtı jaǵalaýlarynda keme sýǵa ketip, 20 adam qaza tapty
ASTANA. QazAqparat - Gaıtıdiń soltústiginde mıgranttar mingen keme apatqa ushyrap, kem degende 20 adam qaza tapty, dep habarlady VVS agenttigi jergilikti azamattyq qorǵanys qyzmetine silteme jasaı otyryp.
Sýǵa ketkenderdiń múrdesi Le-Born qalasy mańyndaǵy jaǵalaýdan tabylǵan. Jergilikti bıliktiń habarlaýynsha, qaza tapqandar Karıb teńizindegi Terks, Kaıkos araldaryna jetpek bolǵan mıgranttar. Alaıda, teńiz betinde tolqyn turyp, keme qaıta qaıtpaq bolǵan. Sol kezde aýdarylyp qalǵan bolýy múmkin. Oqıǵadan aman qalǵandar týraly aqparat joq.
