Gaıtı Prezıdentinin óltirýge birneshe kıller jaldaǵan kúdikti ustaldy
NUR-SULTAN. QazAqparat – Gaıtı bıligi 63 jastaǵy amerıkalyq Krıstıan Emmanıýel Sanondy ustady. Ol Gaıtı prezıdenti Jovenel Moızdi óltirý maqsatynda birneshe kıller jaldaǵan degen kúdikke ilindi, dep habarlaıdy QazAqparat BBC agenttigine silteme jasap.
«Sanon Gaıtıge maýsym aıynyń basynda óziniń jeke ushaǵymen ushyp kelgen. Janynda alty kolýmbııalyq kúzetshisi de bolǵan. Onyń elge kelýdegi «saıası maqsaty» – tóńkeris jasap, prezıdent bolý», – dedi Gaıtı polıtsııasynyń bastyǵy Leon Sharl keıbir mınıstrler qatysqan baspasóz máslıhatynda.
Sharldiń aıtýynsha, qastandyq jasaýshylardyń taǵy eki jetekshisi bolǵan, alaıda olardy aty atalmady.
Sanonnyń úıin tintý kezinde qarý-jaraq pen oq-dáriler tabyldy. Sanonnyń ózi bul týraly ne aıtatyny áli belgisiz.
Eske salsaq, Gaıtı Prezıdenti Djovenel Moız seısenbiden sársenbige qaraǵan túni rezıdentsııasynda belgisiz adamdardyń shabýylynan qaza tapqan bolatyn. Shabýyl kezinde eldiń birinshi hanymy Martın Moız jaraqat alyp, aýrýhanaǵa jetkizildi. Sonymen qatar, Jovenel Moızdi óltirdi degen kúdikpen qylmyskerler ustaldy.
