Gaıtı astanasyndaǵy zilzalanyń qurbandary 150 myń adamǵa jetti

dep habarlaıdy QazAqparat Associated Press saıtyna silteme jasap. Baýyrlastar qabirine osynshama adam jerlendi.

Marı-Lorans Joslın Lassegtiń (Marie-Laurence Jocelyn Lassegue) derekteri boıynsha, bul sanǵa eldiń basqa qalalaryndaǵy zilzala qurbandary, sondaı-aq týystary jerlegenderdiń nemese órtegenderdiń máıitteri kirmeıdi. «Úıindilerdiń astynda qanshama máıit jatqanyn eshkim de bilmeıdi - eki myń ba, úsh myń ba? Qurbandardyń jalpy sanyn kim biledi?» - dep málimdedi mınıstr.

Gaıtı úkimeti zilzaladan on kúnnen astam ýaqyt ótkennen keıin tiri qalǵandardy tabý múmkindigi barynsha az bolǵandyqtan izdeý jumystarynyń aıaqtalǵanyn jarııalady. Qutqarýshylarǵa úılerdiń qırandylarynyń astynan 130-dan astam adamdy arshyp alýdyń sáti tústi. Sońǵy tabylǵan adam jasy 24-tegi gaıtılyq azamat boldy. Ol zilzala kezinde azyq-túlik dúkeninde boǵandyqtan, 12 kún boıy pechenemen, kolamen jáne syramen qorektengen.