Gagarınniń qoly qoıylǵan zymyran synyǵy Berlınde 7,5 myń eýroǵa satyldy
ASTANA. QazAqparat - ıÝrıı Gagarınniń qoly qoıylǵan «Vostok-1» zymyranynyń synyǵy Berlındegi aýktsıonda 7,5 myń eýroǵa satyldy, dep habarlady reseılik «Jańalyqtar» agenttigi.
Bássaýdany Auctionata aýktsıon úıi ótkizdi - bul nómiri 69-shy lot, kólemi 5,8h4,3 santımetrlik kishkentaı ǵana metall synyǵy. Lottyń bastapqy baǵasy úsh myń eýro bolyp belgilengen bolatyn.
Aýktsıonnyń ózi Soviet Space Memorabilia dep atalady. Barlyq 104 lot sýretshi Andreas Hogeniń jeke jınaǵyna jatady. Hogeniń sahnalyq laqap aty - Andora. Osy GDR sýretshisi 1992 jyly Baıqońyrda «Proton» zymyranyn bezendirýge qatysqan bolatyn. Ol kezde West temeki kompanııasy joba demeýshisi boldy, zymyrandy Hogemen birge sýretshi ıÝrıı Leıderman bezendirdi.
Hoge zymyran korpýsyna Gagarınniń portretin saldy, zymyrannyń joǵarǵy bóligine jazýshy Shyńǵys Aıtpmatovtyń sózderi jazyldy.
Hoge kóp jyl boıy Reseıde turdy, ol ǵaryshker Vladımır Jánibekovpen dostyq qatynasta boldy, birneshe jyl boıy óziniń kollektsııasyn jınady. Endi ol birqatar zattaryn saýdaǵa shyǵaryp, birneshe zatty ǵana ózinde qaldyrmaq. Sonyń ishinde óziniń ǵaryshker dıplomy da bar. Saýda onlaın-rejıminde ótýde, aýktsıon úıiniń ekranyna ınternet arqyly kollektsıonerlerden saýaldar túsedi. Arnaıy stýdııada aýktsıon úıiniń qyzmetkerleri kelip túsken usynystardy óńdeıdi. Lottyń ishinde ıtke arnalǵan skafandr da bar, ol tórt myń eýroǵa baǵalanǵan edi, biraq ta ony Frantsııadan bir kollektsıoner 14 myń eýroǵa satyp alǵan.
