Gagarındik ushyrý alańyna «Progress M-08M» júk kemesi ornatyldy
BAIQOŃYR. Qazannyń 25-i. QazAqparat /Sara Qabıqyzy/ - «Baıqońyr» ǵarysh aılaǵynda Halyqaralyq ǵarysh stansasyna kezekti júk kemesin ushyrý ázirligi júrip jatyr.
«Reseıǵarysh» agenttiginiń baspasóz qyzmetinen habarlaǵandaı, búgin tańerteń ǵarysh aılaǵynyń №1 ushyrý alańyna («Gagarındik ushyrý alańy») «Progress M-08M» júk kemesi bekitilgen «Soıýz-Ý» zymyrany ornatyldy. Zymyran ushyrý baǵanyna ornatylǵannan keıin, mamandar alǵashqy ushyrý kúniniń baǵdarlamasy boıynsha daıyndyq sharalaryna kirisip ketti.
Zymyrandy qazannyń 27-si kúni Astana ýaqyty boıynsha saǵat 21.11-de ushyrý josparlanyp otyr. Júk kemesi orbıtaǵa 2,5 tonnadaı júk jetkizedi.
Esterińizge sala keteıik, aǵymdaǵy jyldyń maýsym aıynan beri ǵarysh stansasynda Dýglas Ýılok, Fedor ıÝrchıhın jáne Shennon Ýolker kezekshilik atqarýda, al qazan aıynda olarǵa Aleksandr Kalerı, Oleg Skrıpochka jáne Skott Kellı qosyldy.
