Gadjı Gadjıev Aýyr atletıka federatsııasynyń prezıdenti bolyp saılandy
ASTANA. KAZINFORM – Gadjı Gadjıev Aýyr atletıka federatsııasyna prezıdenti bolyp saılandy.
Bul málimet federatsııanyń resmı saıtynda paıda boldy.
Ol 1974 jyldyń 29 qyrkúıeginde dúnıege kelgen. Resmı ómirbaıanynda orys, qazaq, aǵylshyn jáne qytaı tilderin biletini aıtylǵan. Qurylys, baılanys, iskerlik mamandyqtary boıynsha birneshe joǵary oqý ornynda bilim alǵan.
Eńbek jolyn 1994 jyly saýda salasynda bastaǵan. Keıin birneshe jyl boıy qurylys kompanııalarynda basshylyq laýazymdardy atqarǵan.
2009 jyldan beri respýblıkalyq Qazaqstan jaýyngerlik óner odaǵynyń joǵary keńes prezıdıým múshesi.
2015 jyldan beri NOMAD MMA repsýblıkalyq federatsııasynyń prezıdenti.
2016-2018 jyldary Qazaqstan Kýng-fý qaýymdastyǵynyń prezıdenti bolǵan.
2018 jyldan beri Penchak Sılat qaýymdastyǵynyń prezıdenti qyzmetin atqaryp keledi.
Aýyrt atletıka federatsııasynyń basshylyǵyna kelgenge deıin birinshi vıtse-prezıdent qyzmetin atqarǵan. Ulttyq olımpıada komıteti atqarý komıtetiniń múshesi bolyp esepteledi.
«Parasat» jáne «Qurmet» ordenderiniń, «QR qurmetti temirjolshysy» tósbelgisiniń ıegeri.
Osyǵan deıin habarlaǵanymyzdaı, Danıal Ahmetov qyzmetin merziminen buryn toqtatatynyn málimdep, federatsııa prezıdenttigine dańqty jeńil atlet, London Olımpıadasynyń chempıony Olga Rypakovanyń kandıdatýrasyn usyndy. Jıynǵa qatysýshylar, sonyń ishinde oblys federatsııalarynyń basshylyǵy men sport qaýymdastyǵy O.Rypakovanyń kandıdatýrasyn biraýyzdan qoldady.