Gabonda saılaýdan keıin áskerıler bılikti basyp alyp, ýaqytsha prezıdent taǵaıyndady
ASTANA.QazAqparat - Gabondaǵy bılikti basyp alǵan áskerı top ýaqytsha memleket basshysy etip Respýblıkalyq gvardııanyń qolbasshysy - general Brıs Olıgı Ngemany taǵaıyndaǵanyn jarııalady, dep habarlaıdy QazAqparat VVS-ge silteme jasap.
Bul málimdeme áskerıler prezıdent saılaýynan keıin bılikti basyp alǵanyn habarlaǵan ulttyq telearna arqyly jasaldy.
Eldi 50 jyldan astam basqarǵan prezıdent Alı Bongo Ondımba úı qamaýynda otyr.
Buǵan deıin áleýmettik jelilerde Bongonyń eldegi tóńkeriske baılanysty «dúnıe júzindegi dostaryn shý kóterýge» shaqyrǵan vıdeoúndeýi taraǵan edi.
Áskerıler prezıdenttik saılaýdan birneshe kún ótken soń bılikti basyp alyp, saılaý nátıjesin joıyp, shekaralardy jaýyp, memlekettik ınstıtýttardy taratatynyn aıtty.
Eger sátti aıaqtalatyn bolsa, bul - 2020 jyldan bergi Batys jáne Ortalyq Afrıkadaǵy segizinshi tóńkeris bolmaq.
Gabonda bılikti kúshpen basyp alý áreketi sońǵy ret 2019 jyly jasalǵan. Biraq ol joly sátsiz aıaqtaldy.
Senbi kúngi saılaý uorytyndysy boıynsha Gabon saılaý organy prezıdent Alı Bongo daýystardyń úshten ekisinen az ǵana daýys jınap, bılikte úshinshi merzimge qalatynyn málim etti.
Qazirgi prezıdent Alı Bongonyń otbasy eldi 1967 jyldan beri basqaryp keledi.
Onyń ákesi Omar Bongo 40 jyldan astam prezıdent qyzmetin atqarǵan jáne birneshe ret jemqorlyq úshin aıyptalǵan.
