Ǵabıt Músirepov atyndaǵy balalar men jasósirimder teatry jazǵy demalysqa shyqty
ALMATY. 2 shilde. QazAqparat - Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatry 66-shy maýsymynyń shymyldyǵyn «Qozy Kórpesh-Baıan sulý» tragedııasymen japty.
Qazaqstanyń eńbek sińirgen qaıratkeri Janat Qadjıev sahnalaǵan bul qoıylymnyń qoıýshy-sýretshisi Erlan Tuıaqov, kompozıtory Aqtoty Raıymqulova. Onda basy rólderdi J. Jumanbaı (Qozy), D.Abdýllına (Baıan), S. Jylgeldıev (Qarabaı), R. Omarov (Jantyq), B. Kamaranov (Qodar) somdady.
«Bul maýsymda jańadan 5 pesany sahnaladyq. Olar Shyńǵys Aıtmatovtyń «Teńiz jaǵalaı júgirgen tarǵyl tóbet» tragedııasy, Nurǵalı Orazdyń «Taýdaǵy tún» lırıkalyq dramasy, Prosper Merımeniń «Karmensıta» fantazııasy, Baqqoja Muqaıdyń «Shyndyq detektory» jáne balalarǵa arnalǵan «A.Belozerovtyń «Kirpiniń dosy» sazdy ertegisi. Bul bizdiń teatrdaǵy bıylǵy maýsymnyń jemisti bolǵanynyń aıǵaǵy. Sonymen qatar bizdiń mańdaıymyzǵa 13-14 sáýirde Ashhabadta 14 memleket qatysqan «Qaıta órleý dáýiri jáne teatr óneri» halyqaralyq festıvaliniń sońǵy núktesin «Teńiz jaǵalaı júgirgen tarǵyl tóbet» tragedııamen jabý buıyrdy», - deıdi teatrdyń kórkemdik jetpekshisi jáne dırektory Qazaqstannyń halyq ártisi Talǵat Temenov.
