Ǵabıdolla Ábdirahymov shymkenttikterdi qala kúnimen quttyqtady
Qazaqstan Respýblıkasynyń Tuńǵysh Prezıdenti - Elbasy N.Á.Nazarbaevtyń Jarlyǵymen ótken 2018 jyly 19-shy maýsymda Shymkent elimizdegi úshinshi megapolıs atanǵan bolatyn, dep habarlaıdy QazAqparat tilshisi.
Shahar basshysy Ǵabıdolla Ábdirahymov qala jurtshylyǵyn osynaý alǵashqy merekemen quttyqtap, Shymkent damýdyń jańa satysyna qadam basqanyn atap ótti.
«Bıyl bul merekeniń biz úshin orny erekshe! Bul - Shymkenttiń respýblıkalyq qala statýsyndaǵy alǵashqy merekesi. Elbasy «Bolashaq - mıllıondy qalalardyń qolynda» dep málimdegen edi. Mine, súıikti Shymkentimiz sondaı qalaǵa aınalyp keledi. Úshinshi megapolıs «aqyldy», «jasyl» ári qaýipsiz qala atanady. Shymkent jańa ıdeıalar halqymyzdyń dástúrimen qatar damyp, ótkenin umytpaıtyn, sonymen qosa jańa tehnologııalarǵa umtylatyn turǵyndar qalasyna aınaldy. Úshinshi megapolıste zaman talabyna saı ınfraqurylym qalyptasyp keledi, jańa shaǵynaýdandar, kósheler, sport alańshalary, turǵyn úıler, mektepter men balabaqshalar salynýda. Innovatsııalyq damý deńgeıine úlken mán bere otyryp, qala halqyn ár jylǵy merekemizde jańa mádenı, sport, bilim nysandarynyń boı kóterýimen qýantýǵa tyrysamyz. Qalamyzdyń qarqyndy damýyna qosyp jatqan úlesterińiz úshin sheksiz alǵysymdy bildiremin!»,- dedi Ǵadbıdolla Ábdirahymov.