Ǵabdýllınge úkim shyǵaryldy
ASTANA. QazAqparat - Búgin elordada Bıgeldi Ǵabdýllınge qatysty úkim jarııa etildi, dep habarlaıdy QazAqparat.
Sot Ǵabdýllınge 5 jylǵa bas bostandyǵyn shekteý úkimin shyǵardy. Múlki tárkilenbeıdi. Sonymen qatar ol sot zalynan bosap shyqty.
Keshe Astana qalalyq qylmystyq ister jónindegi mamandyrylǵan aýdanaralyq sotynda prokýror Álibek Aıtjanov «CentralAsiaMonitor» basylymynyń bas redaktory jáne «Radiotochka.kz» dırektory Bıgeldi Ǵabdýllınniń óz kinásin moıyndaǵandyqtan bostandyqqa shyǵarýdy usynǵan bolatyn.
«Osyǵan baılanysty bes jylǵa deıin bas bostandyǵyn shekteý jazasyn belgileýdi suraımyn. Osy ýaqyttyń ishinde oǵan arnaıy organnyń ruqsatynsyz turaqty meken-jaıdy ózgertýge, shetelge shyǵýǵa, basqa jerlerge barýǵa, sondaı-aq buqaralyq sharalarǵa qatysýǵa bolmaıdy. Qamaýǵa ustaý sharasyn ózgertip, sot zalynan bosatýdy suraımyn»,- dedi prokýror Álibek Aıtjanov.
Aıta keteıik, buǵan deıin ótken otyrysta Bıgeldi Ǵabdýllınniń múlki jarııalanǵan bolatyn. CentralAsiaMonitor-dyń bas redaktory ári Radiotochka.kz dırektory Bıgeldi Ǵabdýllın Astana qalasy Almaty aýdandyq №2 sotynyń sanktsııasymen tutqynǵa alynǵan. Ol «Central Asia Monitor» jáne «Radiotochka.kz» buqaralyq aqparat quraldarynyń paıdasyna bıýdjettik qarjyny alý úshin bopsalaý áreketine bardy dep aıyptalǵan.
