Gaagada turǵyndar bıliktiń kóshi-qon saıasatyna narazylyq bildirip, 30 adam ustaldy

ASTANA. KAZINFORM –Nıderland bıliginiń mıgratsııalyq saıasatyna qarsy halyq Gaagada narazylyq sharasyn uıymdastyryp, onyń arty tártipsizdikterge ulasty, keminde 30 adamdy ustaldy, dep habarlaıdy NOS qala meri ıAn van Zanenge silteme jasap.

Reseılik TASS-tyń habarlaýynsha, qala meriniń aqparaty boıynsha ázirge 30 adamnyń ustalǵany týraly senimdi túrde aıtýǵa bolady. Alaıda olardyń sany budan kóp bolýy yqtımal. Van Zanen sonymen qatar tártipsizdikterge qarsy áreketter barysynda eki polıtsııa qyzmetkeriniń jaralanǵanyn jetkizdi.

-Eldiń ár aımaǵynan kelge tártipsizdikterdi uıymdastyrýshy toptar polıtsııamen qasaqana qaqtyǵysqan. Bul rette olardyń barynsha dóreki áreket etkenin aıtý kerek,-dep keltiredi Zanenniń sózin habar taratýshy korporatsııa.

Nıderland astanasy Gaagada tártipsizdikter 20 qyrkúıek kúni kúndiz bastaldy. Mıgratsııalyq saıasatqa qarsy shyqqan ońshyl top ókilderi polıtsııamen qaqtyǵysyp, Malıveld alańy mańynda A12 avtomagıstralin bógep tastady.

Shamamen 1,5 myń adam quqyq qorǵaý organdary qyzmetkerlerine tas pen bótelke laqtyryp, bir polıtseı kóligin órtegen. Halyqtyń taratý úshin polıtsııa kóz jasaýratatyn gaz jáne sý atqysh quraldaryn qoldandy.

Keıinirek jol qozǵalysy tolyq qalpyna keltirildi.

Osyǵan deıin Nıderlandtyń alǵash ret Izraıldi ulttyq qaýipsizdikke qater tóndiretin el dep tanyǵany týraly jazdyq.