Gaagada polıtsııa myńnan astam ekobelsendini ustady
GAAGA. QazAqparat – Klımattyń ózgerýine qarsy aktsııa aıasynda «Joıylyp jatqandar kóterilisi» uıymynyń ekoaktıvısteri senbide Gaaganyń basty magıstralin jarty kúnge jaýyp tastady. Buǵan deıin Nıderlandy bıligi mıtıng ótkizýge ruqsat berýden bas tartqan bolatyn, dep habarlaıdy QazAqparat Euronews-ke siltememen.
Tyıym salynǵanyna qaramastan, narazylyq uıymdastyrýshylary óz jaqtastaryn Úkimettiń qazba otyn kompanııalaryn sýbsıdııalaýyn toqtatýǵa baǵyttalǵan demonstratsııaǵa shyǵýǵa shaqyrdy.
Ekobelsendiler taraýdan bas tartqannan keıin polıtsııa sý shashqyshtardy iske qosyp, narazylyq bildirýshilerdi polıtsııa fýrgondarymen joldan taratty.
Myńnan astam adam qamaýǵa alyndy. 850 adam qazirdiń ózinde aıyp taǵylmastan bosatyldy. Ustaý kezinde birneshe demonstrant jeńil jaraqat aldy.
