Gaagada NATO sammıtiniń ekinshi kúni bastaldy

ASTANA. KAZINFORM — Búgin Nıderlandynyń Gaaga qalasynda Soltústik Atlant sharty uıymynyń (NATO) joǵary deńgeıdegi sammıtiniń ekinshi negizgi kúni bastaldy, dep habarlaıdy Kazinform tilshisi.

NATO-ǵa múshe memleketterdiń basshylary men úkimet ókilderi Nıderlandqa keshe, seısenbi kúni kelgen bolatyn. Bul – Alıanstyń jańa Bas hatshysy Mark Rıýtte úshin alǵashqy joǵary deńgeıdegi is-shara.

Sammıttiń basty máseleleri – NATO elderiniń jarnalaryn ulttyq JІÓ-niń 5%-yna deıin ulǵaıtý jáne qazirgi jaǵdaıda Alıanstyń qorǵanys qabiletin arttyrý.

Búgin sammıt aıasynda NATO-ǵa múshe memleketter men úkimet basshylarynyń qatysýymen Soltústik Atlantıkalyq keńestiń otyrysy ótedi.

Oǵan deıin Mark Rıýtte men AQSh prezıdenti baspasóz máslıhatyn ótkizedi.

Álemdegi eń iri áskerı odaqtyń kóshbasshylary Iran tóńiregindegi jaǵdaı men Taıaý Shyǵystaǵy ahýaldy talqylaıdy dep kútilip otyr. Sonymen qatar Gaagada Ýkraına prezıdenti Vladımır Zelenskıı de bar, onyń AQSh prezıdentimen kezdesýi jahandyq BAQ nazaryn aýdarýda.

Buǵan deıin AQSh Prezıdenti Donald Tramp NATO sammıtine qatysý úshin Gaagaǵa barǵanyn jazǵan edik.