Gaagada kóshelerdiń jabylýy qazaqstandyqtardyń referendýmda daýys berýine kedergi keltirgen joq
ASTANA. KAZINFORM – Gaagada Qazaqstan Respýblıkasynyń Nıderland Koroldigindegi elshiliginde ornalasqan № 446 saılaý ýchaskesinde daýys berý júrip jatyr, dep habarlaıdy Kazinform-nyń EO-daǵy menshikti tilshisi.
Daýys berý Qazaqstan Respýblıkasynyń zańnamasyna sáıkes jergilikti ýaqyt boıynsha tańǵy saǵat 7:00-de bastaldy.
Gaagada ótip jatqan aýqymdy sporttyq is-shara – jyl saıyn ondaǵan myń qatysýshyny jınap, birqatar ortalyq kósheniń ýaqytsha jabylýyna sebep bolatyn NN City-Pier-City mereıtoılyq júgirýine qaramastan qazaqstandyqtar tańnan bastap saılaý ýchaskesine kelip, daýys berýge ýaqyt taýyp otyr.
Daýys berýshilerdiń aıtýynsha, referendýmǵa qatysý eldiń odan ári damýyna úles qosý jáne onyń bolashaǵyn qalyptastyrýdyń mańyzdy múmkindigi.
Gaagadaǵy saılaý ýchaskesine búgin 120-dan astam Qazaqstan azamaty keledi dep shamalanyp otyr. Olardyń arasynda qazaq dıasporasynyń ókilderi, stýdentter, qazaqstandyq dıplomattar jáne olardyń otbasy músheleri, sondaı-aq Nıderlandta ýaqytsha turyp jatqan Qazaqstan azamattary bar.
№ 446 saılaý ýchaskesinde daýys berý jergilikti ýaqyt boıynsha keshki saǵat 20:00-ge deıin jalǵasady.
Osyǵan deıin Qazaqstan jastary Ázerbaıjanda da belsendi daýys berip jatqany týraly jazdyq.
