Gaagada Qazaqstannyń BUU QK-ge tóraǵalyǵynyń qorytyndysy talqylandy
Іs-sharaǵa Nıderland Syrtqy ister mınıstrliginiń BUU Qaýipsizdik Keńesiniń máseleleri boıynsha arnaıy tobynyń úılestirýshisi Robert Dresen, BUU Qaýipsizdik Keńesiniń turaqty emes múshe elderiniń elshileri, «Klıngendaıl» jetekshi taldaý ortalyǵynyń sarapshylary jáne basqa da Nıderlandtyq akademııalyq toptarynyń belgili ókilderi qatysty.
Jıynda sóılegen Qazaqstannyń Nıderland Koroldigindegi Elshisi Maǵjan Іlııasov Qazaqstan tóraǵalyǵynyń sheńberinde keńester, brıfıngter jáne pikirtalastar úlgisinde otyzǵa jýyq otyrystar ótkizilip, olardyń qorytyndylary boıynsha Keńes tóraǵasynyń qararlary jáne málimdemeleri qabyldanǵanyn atap ótti. Qazaqstan dıplomaty Prezıdent Nursultan Nazarbaevtyń 18 qańtardaǵy saıası úndeýiniń negizgi byǵyttaryna erekshe nazar aýdaryp, olardyń ishinde Qazaqstannyń BUU Qaýipsizdik Keńesindegi jumysynyń basymdyqtary men tájirıbelik komponentteri kózdelgeni týraly aıtty.
Sonymen qatar, Qazaqstannyń Álemdik terrorızmge jol bermeý týraly minez-qulyq kodeksi jobasynyń iske qosý boıynsha joǵary deńgeıdegi arnaıy is-shara ótkizgeni týraly atap aıtyldy. BUU-nyń, onyń ishinde terrorızmge qarsy qurylymdardyń basshylyǵy, múshe memleketterdiń júzden astam delegatsııalarynyń ókilderi atalǵan kodekstiń ózektiligi men mańyzdylyǵyn qoldady.
Óz kezeginde dóńgelek ústelge qatysýshylar BUU Qaýipsizdik Keńesiniń tóraǵasy retinde Qazaqstannyń jetistikterin joǵary baǵalap, atap aıtqanda Aýǵanstandaǵy jaǵdaıdy turaqtandyrýǵa baǵyttalǵan bizdiń elimizdiń praktıkalyq kúsh-jigerin atap ótti.
19 qańtarda ótken mınıstrlik pikirtalastardyń qarsańynda BUU Qaýipsizdik Keńesi músheleriniń Aýǵanstanǵa jeti jyldyń ishinde uıymdastyrylǵan alǵashqy sapary búl eldiń ishki jáne aınalasyndaǵy turaqtylyq pen órkendeýdi qoldaý úshin sheshýshi mańyzǵa ıe bolǵany aıtyldy. Sonymen birge, Qazaqstan jáne Prezıdent N.Nazarbaevtyń jappaı qyryp-joıatyn qarýdy taratpaý isine eleýli úlesi taǵy bir qaıtara atap ótildi. Kezdesý barysynda BUU Qaýipsizdik Keńesi turaqty emes músheleriniń 2018-2019 jyldarǵa arnalaǵan kúntártibi boıynsha jan-jaqty pikir almasý boldy.
Kezdesýdi qorytyndylaı kele, Robert Dresen: «Qazaqstannyń Qaýipsizdik Keńesiniń tóraǵalyǵy álemdik qaýymdastyqqa eń ózekti máselelerdi sheshýge syndarly kózqarastpen qaraıtynyn kórsetti. Atap aıtqanda, Aýǵanstandaǵy qaýipsizdikti nyǵaıtý mańyzdy óńirlik ekonomıkalyq jobalardy, onyń ishinde ınfraqurylymdy damytý, elektroenergııamen jabdyqtaý, saýda-sattyq pen tranzıt qyzmetterin qeńeıtý jobalaryn iske asyrýǵa jol ashady» - dep málimdedi.
