Gaagada Qazaqstan‒Nıderlandy bıznes-forýmy ótti
NUR-SULTAN. QazAqparat – QR Premer-Mınıstri Asqar Mamın Gaaga qalasyna resmı sapary aıasynda Qazaqstan‒Nıderlandy bıznes-forýmynyń ashylýyna qatysty. Bul týraly QazAqparat primeminister.kz sileme jasap habarlaıdy.
Qazaqstan Respýblıkasynyń jáne Nıderlandy Koroldiginiń Premer-Mınıstrleri V Qazaqstan‒Nıderlandy bıznes-forýmynyń ashylýyna qatysty, onyń aıasynda eki eldiń Úkimet basshylarynyń qatysýymen 5 qujatqa qol qoıyldy:
- «K-Agro» qazaqstandyq kompanııasy men nıderlandylyq «Farm Frites» kompanııalary arasyndaǵy Jambyl oblysynda frı kartobyn óndiretin birlesken kásiporyn qurý týraly kelisim. Jobanyń quny — $145 mln;
- «Qazaqstan Ǵarysh Sapary» UK» AQ men «NEVASCO» kompanııalar toby arasyndaǵy Jerdi qashyqtyqtan zondtaý (JQZ) jáne geoaqparattyq júıeler (GAJ) salasyndaǵy jobalardy iske asyrý boıynsha yntymaqtastyq týraly kelisim;
- Qazaq ulttyq agrarlyq ýnıversıteti men «Vahenıngen» ýnıversıteti arasyndaǵy qazaqstandyq agrarıı stýdentterdi oqytý boıynsha yntymaqtastyq týraly memorandým. «Vahenıngen» ýnıversıteti ‒ jaratylystaný ǵylymdary, tabıǵı resýrstardy basqarý, ósimdik sharýashylyǵy jáne mal sharýashylyǵy salasyndaǵy álemdegi jetekshi ortalyqtardyń biri;
- «TKSh Qazortalyǵy» AQ-men «Witteven+Bos» arasyndaǵy kanalızatsııalyq tazartý qurylystaryn salý jáne rekonstrýktsııalaý týraly baǵdarlamany iske asyrý jónindegi ózara túsinistik týraly memorandým;
- «Dal Agro Park» pen «Dutch Greenhouse Delta» arasyndaǵy Túrkistan oblysynda 200 gektar agropark salý boıynsha yntymaqtastyq týraly memorandýmǵa 200-ge jýyq nıderlandtyq jáne qazaqstandyq bıznes ókilderi qatysty. «Báıterek» UBH» AQ, «QazMunaıGaz» UK» AQ, AHQO, Deloitte, Shell, Nıderlandynyń Bıznes jáne jumys berýshiler konfederatsııasynyń jáne t.b. ókilderi eki el arasyndaǵy saýda-ekonomıkalyq jáne ınvestıtsııalyq ózara is-qımyldy damytý perspektıvalary týraly baıandady. Forýmǵa qatysýshylar óz múmkindikterimen tanystyryp qana qoımaı, sonymen birge B2B (business-to-business) formatynda áleýetti seriktestermen jumys kezdesýleri men kelissózder ótkizdi.
QR Premer-Mınıstri Shell, Bitfury, SuezGroup, Farm Frites, Dutch Fruit Solutions nıderlandtyq kompanııalarynyń ókilderimen kezdesýler ótkizdi, olarmen Qazaqstanda energetıka, derekterdi óńdeý jáne blokcheın-tehnologııalar, bilim berý, aýyl sharýashylyǵy ónimderin óńdeý jáne t.b. salalardaǵy jobalardy júzege asyrýdyń perspektıvalary talqylandy.kimet basshysy World Horti Centre halyqaralyq jylyjaı baǵbanshylyǵyna arnalǵan bilim jáne ınnovatsııalar ortalyǵyna baryp, haıperlýp (Hyperloop) jańa kólik júıesin ázirleýmen aınalysatyn «Hardt Hyperloop» kompanııasynyń qyzmetimen tanysty, bul kólik júıesi jeńildetilgen bolat qubyrlar boıymen kapsýla túrindegi shaǵyn qaıyqtarda saǵatyna 1 myń shaqyrymǵa deıin jyldamdyqpen júrýge múmkindik beredi.
