Gaagada Karadjıchke aıyptar taǵyldy
ASTANA. Qarashanyń 3-i. QazAqparat - Burynǵy ıÝgoslavııanyń aýmaǵyndaǵy qylmystardy tekserý jónindegi Gaaga halyqaralyq trıbýnalynda sóz sóılegen prokýror Alan Tıeger Radovan Karadjıchke 1995 jyly 8 myńdaı musylman azamattary men ul balalaryn óltirýdi uıymdastyrdy degen aıyp taqty.
Bul týraly «Azattyq» radıosy habarlady.
Alan Tıeger, bosnııalyq serbterdiń burynǵy basshysynyń atalmysh genotsıd aktin jasaǵany úshin jaýapkershilikten bas tartýy, Karadjıchtiń faktilerden bultara almaıtynyn túsinip otyrǵanyn kórsetedi, dep málim etti.
Al Radovan Karadjıchtiń ózi sot zalyna kelýden bas tartýda.
Srebrenıtsa qalasynda myńdaǵan musylmannyń ólimine ákelgen qandy oqıǵa 1995 jyldyń shilde aıynda bolǵan edi. Ol kezde bosnııalyq serbter kúshteriniń bas qolbasshysy bolǵan Radovan Karadjıch pen ázirge ádil sottan boı tasalap júrgen general Ratko Mladıch Ekinshi dúnıejúzilik soǵystan keıin Eýropada jasalǵan eń qandy qylmys úshin jaýapty dep sanalady.
