Gaaga sotynyń eks-prokýrory Kanadada general-gýbernator qyzmetine taǵaıyndaldy
ASTANA. KAZINFORM – Kanada premer-mınıstri Mark Karnı eldiń bolashaq general-gýbernatory qyzmetine zańger Lýıza Arbýrdy taǵaıyndady. Ol buryn Burynǵy ıÝgoslavııa boıynsha halyqaralyq trıbýnal prokýrory qyzmetin atqarǵan kezde Serbııa prezıdenti Slobodan Mıloshevıchke aıyp taqqan, dep habarlaıdy VVS.
79 jastaǵy Lýıza Arbýr bul qyzmette qazirgi general-gýbernator Merı Saımondy almastyrady. Ol bes jyl buryn Kanada tarıhynda alǵash ret jergilikti halyq ókili retinde osy laýazymǵa kelgen edi.
Kanadada Saımon frantsýz tilin jetkilikti deńgeıde bilmegeni úshin synǵa ushyraǵan. Al Karnıden eldiń eki resmı tilin – aǵylshyn jáne frantsýz tilderin erkin meńgergen kandıdat taǵaıyndaý talap etilgen. Lýıza Arbýr bul talapqa tolyq sáıkes keledi.
General-gýbernator – Kanadadaǵy tájdiń ókili (qazirgi kezde – Karl III) jáne monarh atynan memleket basshysynyń mindetin atqarady. Ádette onyń ókilettik merzimi bes jyldy quraıdy.
Seısenbi kúni premer-mınıstr Arbýrdy búkil ómirin ádil sheshimder qabyldaýǵa, tereń bilimge jáne zań ústemdigine adaldyqqa arnaǵan tulǵa retinde sıpattady.
Lýıza Arbýr Monreal qalasynda (Kvebek provıntsııasy) dúnıege kelgen. Buǵan deıin ol Kanada Joǵarǵy soty sýdıasy qyzmetin atqarǵan.
Halyqaralyq deńgeıde Arbýr Burynǵy ıÝgoslavııa boıynsha halyqaralyq trıbýnal jáne Rýanda boıynsha halyqaralyq trıbýnaldyń bas prokýrory bolǵan.
Ol tarıhta alǵash ret qyzmettegi memleket basshysyna aıyp taqqan tulǵa retinde belgili. Arbýr sol kezdegi ıÝgoslavııa prezıdenti Slobodan Mıloshevıchke aıyp taǵyp, halyqaralyq quqyq tájirıbesinde mańyzdy kezeńge jol ashty. Mıloshevıch sot úkimi shyqqanǵa deıin 2006 jyly Gaagadaǵy túrmede qaıtys boldy.
Aıta keteıik, Japonııa men Kanada qorǵanys jáne energetıka salasynda seriktestik ornatýǵa keliskenin jazdyq.
