«G8» ben «G20» jańa álemdik qarjylyq-ekonomıkalyq arhıtektýranyń qalaı bolatynyna jaýap bere almaýda - N. Nazarbaev

Búgin Astanada ótip jatqan Eýrazııa medıa forýmy barysynda sóz sóılegen QR Prezıdenti Nursultan Nazarbaev osylaı málimdedi.

Sóz arasynda Elbasy búgingi tańda «G-20» sheńberinde jahandyq ekonomıkalyq sheshimder izdestirýdi belsendi ete túsýdiń mańyzdylyǵyna toqtalyp ótti. Al bul baǵytta Sankt-Peterborda ótetin osyndaı jıynǵa Qazaqstan da shaqyrylǵan.

«Jalpy biz jahandyq damýdyń qazirgi satysyndaǵy álemniń múldem jańa jaǵdaıǵa ótýindegi basty erekshelikterdi baıqap otyrmyz. Ókinishke qaraı, osy jyldar ishinde «G-8» de «G-20» da álemdegi jańa qarjylyq-ekonomıkalyq arhıtektýranyń qandaı bolatynyna, ekonomıka men saıasat qaıda baratynyna jaýap bere almaı keledi. Jaýap ázir de joq», - deı kele, Elbasy bundaı máselege barsha memleketter atsalysýy tıistigin, sondyqtan da byltyrǵy jyly «G-Global» ıdeıasy dúnıege kelgenin atap ótti.

Qazaqstan Prezıdentiniń aıtýynsha, bundaǵy basty ıdeıa - bul eń aldymen álemdik saıasattyń barlyq máseleleri boıynsha barsha jahandyq qaýymdastyqty pikirtalasqa shaqyrý. Sonymen qatar, Memleket basshysy búgingi tańda Internet jelilerinde «G-Global» kommýnıkatsııalyq alańy tabysty júzege asyp jatqanyn, oǵan mıllıondaǵan paıdalanýshylar qosylyp, 50-den astam memleket ózderiniń usynystaryn engizgenin aıtty.

«HHI ǵasyrda osyndaı negizde jumys isteý arqyly kez kelgen jahandyq problemanyń tıimdi dıalogyn qalyptastyrýǵa, qatysýshylar úshin tıimdi sheshimderge kelýge múmkindik bolady. «G-Global»-dyń basty ıdeıasy jahandyq damý paradıgmasynyń haosqa urynǵan dınamıkasynyń ornyna ońtaıly balama usyný. Men bizdiń biregeı álem syndarly kóppolıarlyq jaǵdaıynda ómir súrýge laıyqty dep oılaımyn», - dedi N. Nazarbaev.